Domingo 14. Preparados, Listos...

Xa non queda nada para a saísa e hoxe tomeino con moita calma. Seguín madrugando muito, aínda que tamén deitándome cedo. Ás 8:30h xa estaba almorzado e de camiño para o centro onde había moitísimo ambente con carreiras pequenas de todas as categorías na zona de meta.
Volvín pasar pola expo da maratón pero xa sen pararme mais que para coller mostras de algúns productos :-)
Logo fun ata o teatro da Opera de Boston onde están a representar The Book of Mormon, un musical de éxito dos creadores de South Park. Non hai entradas á venda pero cada día fan un sorteo 2h antes da función de asentos baleiros a 25$. Tenteino onte e hoxe tampouco houbo sorte. Seguirei probando.

O plan B consistiu en continuar o Freedon Trail onde o deixara o Venres e chegar ao North End que é o barrio italiano de Boston (a súa particular Little Italy), logo pasei pola cancha onde xogan os Celtics de paso cara o Whole Foods Market outra vez pero hoxe para mercar comida para o xantar e a cea e levala para casa. E iso fixen,  marchar para a casa, durmir unha boa sesta, estirar, preparar todo para mañán, seguir estirando, escribir este post e cando remate: seguir estirando, cear, estirar un pouco mais e para a cama.

:-)

Déixovos un vídeo moi explicativo da preparación:

A ver que novas traio mañán. Continuará....